بحرینی حکومت نے 1402 بےگناہ بچوں کو گرفتار کررکھا ہے

مہر خبررساں ایجنسی کی رپورٹ کے مطابق بحرین کی تنظیم جمعیت الوفاق کی رپورٹ کے مطابق بحرین کی ظالم حکومت نے بحرین کی قومی تحریک کے آغاز سے لیکر اب تک 1402بچوں کو حراست میں لے رکھا ہے۔ الوفاق نے 4 جون بچوں کے عالمی دن کی مناسبت سے رپورٹ میں کہا ہے کہ بحرین کی امریکہ نواز ظالم و جابر حکومت نے بحرین میں عوامی اور قومی تحریک کے آغاز سے لیکر 1402 بے گناہ بچوں کو حراست میں لےرکھا ہے۔ بیان کے مطابق بحرینی حکومت نے بچوں کے سلسلے میں بین الاقوامی قوانین کی بھی صریح خلاف ورزی کا ارتکاب کیا ہے۔ رپورٹ کے مطابق بحرینی حکومت کو کیونکہ امریکہ ، اسرائیل اور سعودی عرب کی حمایت حاصل ہے اس لئے انسانی حقوق کی عالمی تنظیمیں بھی بحرین میں ہونے والے مظالم پر خاموش تماشائي بنی ہوئی ہیں۔